Kiriata Kūkara – Te Pepa Hangarua

Kia ora rā! Ko tētahi o ngā haepapa o Whakaute ko te kohi haere i ngā ipu pepa hangarua mai i ngā akomanga katoa. I tuku au i ētahi o ngā tamariki (ko Hinewai, ko Gallagher, ko Riko, ko William rātou ko Olivia) ki te hanga i tētahi Kiriata Kūkara e pā ana ki ngā tikanga o te pepa hangarua – kia mōhio ai ngā tamariki katoa: kia kaua e whiu i ngā para kai, ngā kiri penerākau, me ngā momo kirihou ki roto i te ipu hangarua. Mātakitaki mai!

Ngā Mihi Ataata

Ka whakaritea e Manaiakalani tētahi wero ia rua wiki kia whakaharatau ai ngā tamariki i ngā pukenga ao matihiko, me ngā tikanga haumaru e hāngai ana. Ko ngā Mihi Ataata nei tētahi o aua wero. He rawe ki ngā tamariki nā te mea i whai wā rātou ki te tiro haere i te ipurangi mō ngā whakaahua o ngā mea pai ki a rātou (kei raro tonu i ngā tikanga haumaru o te akomanga me te kura). I hanga mātou i tētahi kiriata kia taea ai te whakaatu i ngā mihi katoa ki a koutou. Kei a koutou ināianei – hīkina te wero!


Ngā Mihi Ataata o Whakapono by Lynda Priestley

TE HAUMARU WAI

I te wiki tuaono  i pānui ngā ākonga i ētahi pukapuka e pā ana ki te  haumaru wai. I pānui ētahi rōpū i tētahi kōrero e pā ana ki ngā tikanga e pā ana ki te wai – ko ētahi nō te ao Māori neherā, ko ētahi nō te ao hurihuri o nāianei. I pānui ērā atu rōpū e pā ana ki ngā tikanga rerekē kia haumaru ai koe ki ngā wāhi rerekē – te awa, te roto, te moana, me te puna wai kauhoe. Kātahi rātou ka hanga pānui whakaahua (poster) mā Canva. Anei ētahi o a rātou mahi.

     

Mihi Ataata

I te rā nei i hanga a Whakapono i ngā Mihi Ataata (Visual Mihi). He wero nō Manaiakalani, hei whakaharatau i ngā tikanga o te Tū Mai i te Ipurangi. Rawe ki a Whakapono nā te mea i whakaaetia mā rātou e whakaahua i a rātou anō, me te rapu haere i ngā pikitia pai ki te ipurangi! Anei ā rātou mahi.